【明報專訊】薛家燕（家燕姐）擔任衛詩雅網上飲食節目《衛食攻略》嘉賓。早前家燕姐在活動上錯認衛詩雅為陳家樂老婆，合照時還恭喜對方有喜，令在場人士捧腹大笑。節目開始時，衛詩雅扮神色凝重對家燕姐說：「我哋之前有啲誤會。」家燕姐再恭喜她：「衛詩雅，恭喜你獲提名金像獎最佳女主角。」衛詩雅捉實家燕姐雙手說多謝。家燕姐重提認錯烏龍事說：「真係尷尬，我仲摸你個肚。」
「人哋想有小朋友 但我收咗經」
衛詩雅請教保養秘訣，家燕姐表示湯水及充足睡眠十分重要，「我瞓四五小時就夠，但會隨時叉電，即刻可以瞓到，可能自細養成，細個拍攝打鑼鼓的古裝大戲，未到自己埋位就瞓」。衛詩雅又八卦家燕姐的感情生活，後者露出尷尬笑容說：「有拍拖，有人知道我有個朋友仔，佢細過我，我當然好保護呢段關係，因為佢唔係圈中人，我呢個年紀，唔會諗再婚。」家燕姐繼續說：「可能人哋想有小朋友，但我收咗經喇，唔使諗嗰啲。」
兩人談到社交平台，家燕姐寄語衛詩雅不要在廁所瀏覽，「有次我喺廁所睇facebook，唔小心撳咗live個掣，我兩個女話『嘩！媽咪你做乜嘢呀？做乜喺廁所開facebook live！』好彩那刻唔係好多人睇」。
娛樂組
