【明報專訊】麥秋成曾擔任多名巨星的排舞師，亦憑電影《狂舞派》和《狂舞派3》提名金馬獎最佳動作設計，2019年簽約無綫轉戰幕前，至去年宣布離巢。他有份參演的劇集《再見枕邊人》近日播出，日前接受商台節目《星光背後》訪問，分享19歲開始學跳舞，成為星級排舞師經歷，以及與太太湯怡相識到閃婚經過。
麥秋成大學時才開始學跳舞，未畢業已有機會為巨星伴舞，2004年赴美國進修後展開排舞師生涯。他最難忘跟劉德華合作，因對方工作忙，接觸時間好短，「拍MV時無論佢定全場工作人員都好嚴肅，好認真對待呢件事。佢一到就叫我跳一次畀佢睇，睇完之後佢明白件事係點，已經可以自己跳。我嗰陣心諗佢好正，因為事前錄咗畀佢睇，佢真係做足晒功課先嚟，背好哂啲step，唔使再教，真係好專業、好勁」。麥秋成稱2004年與葉蒨文（莎麗）合作，莎麗很欣賞他，曾親自教他唱歌，希望捧他做歌手，可惜他實在唱得太差。
麥秋成2021年1月突然宣布與未合作過的湯怡奉子承婚，他透露跟太太是相差8年的中學師兄妹，有不少共同圈中好友，早已認識但不熟。有次他在社交網上載食炸雞，湯怡又鍾意食，「之後一齊出來食炸雞，開始溝通，慢慢發展」。
娛樂組
