【明報專訊】無綫J2台節目《不正常愛情研究所》主持文頌男（Koba）去年12月在社交網透露因患罕見癌症「尤文氏肉瘤」，已停工兩個月接受治療，今年1月中他重回無綫錄影節目，該集今晚播出，他與一班拍檔大談主題「音樂情人」。戴cap帽的Koba身形雖較之前消瘦，但看來精神不俗，錄影時非常投入和活躍。
大爆Busking界醜聞
節目邀得Busker阿紀亮相「有故事的人」環節，談及如何應付熱情粉絲，Koba即扮演癡情小粉絲，令阿紀不知所措。阿紀大爆Busking界醜聞，稱Busker追求粉絲情况非常普遍，「Busker同粉絲互相follow，一定係有好感，要追真係好易」。主持之一的金永衡（Kim）亦是Busker出身，透露認識一名一腳踏三船的Busker，曾在一次街頭表演時出事，「通常唱完歌，啲女朋友都會行埋去讚男朋友唱得好好聽。當時3個女仔同時向男友方向行去，各自爆出一句『BB』，嗰個Busker當場斷正」。
Koba近日在社交網上載捧花照留言感謝好友送花慰問，「睇到你嘅鼓勵，令我更有動力去堅持，戰勝病魔。非重點，我𠵱家除咗無頭髮，仲變埋無眉男。」
娛樂組
