【明報專訊】無綫J2台節目《不正常愛情研究所》主持文頌男（Koba）去年10月患上罕見癌症「尤文氏肉瘤」，他暫停工作接受治療，完成首階段第5次化療，身上毛髮連眉毛也甩掉，檢查報告治療無效，他非常無奈及害怕。Koba昨日在社交網上載在醫院的照片，透露照磁力共振後，醫生對他說：「個治療冇乜效果，個腫瘤仲要大咗少少。」原本要做最後一次化療，醫生叫停，要他做電療。
Koba形容心情跌落深淵，擔心距離死亡又近一步，更怕死得好痛苦，「我嘅下肢、盆骨附近嘅位置係愈嚟愈痛，痛到開始連嗎啡都冇辦法紓緩到，身體仲會不自覺抽搐，有啲身體部位已經變得麻木，排泄方面都開始出現好多問題（呢部分太羞恥都唔想講太多）」。他感活得沒有尊嚴、無意義，好驚可能臨死前會半身不遂，全身插滿喉管，承受痛楚，並稱覺得好攰，但強調仍然會很努力對抗病魔，沒胃口仍會強迫自己進食，幾痛都會逼自己郁動。Koba稱仍愛做幕前，希望可以康復、行動自如，繼續工作。
娛樂組
