【明報專訊】姜濤與柳應廷（Jer）昨日為電影《12怪盜》 謝票。就早前MIRROR由加拿大返港，姜糖與神徒（粉絲暱稱）接機時因位置問題發生肢體碰撞，姜濤就事件回應，他說：「呢一兩日不停了解整件事嘅經過，發現網上流傳咗唔同嘅版本，不過無論點樣都好，事件已經發生咗，我淨係希望大家可以安全快樂去支持我哋，唔好有任何爭執或碰撞，呢個係我哋最唔想見到。我同Anson Lo都有傾過，我哋都覺得好苦惱，唔知點樣做，呢件事發生咗唔止一兩次，但好似一直都無辦法解決，無諗過一件Suppose開心嘅事情，會變成咁樣。因每次見到我哋嘅支持者，不論係fans或任何人，大家不論支持我哋MIRROR或任何一個，我哋都係咁開心，因真係一種鼓勵，所以希望以後每次見面，都可以係愉快、平安、安心地進行。」
娛樂組
