【明報專訊】洪永城太太梁諾妍今年3月誕下細女Beryl，前日在社交平台上載戴口罩面容憔悴照片，透露自周六（4日）開始發燒，半夜瘋狂發冷打冷震兼骨痛，全日超攰，不知發生什麼事；翌日（5日）早上燒至39.2度，做了檢測不是新冠病毒。直到有名媽媽朋友問她是否患乳腺炎才找出病因，梁諾妍稱有兩天因太忙，試過兩次過了7個鐘先泵奶，又因量多關係，應該已經塞了，其實她的右上胸痛了好多日，但完全不為意。
梁諾妍持續發高燒，吃退燒藥都沒用，最後去醫院看急症，護士替她探熱燒到39.7度，醫生檢查後，發現她右胸腫脹又高燒，建議留院3天打抗生素，但她說想回家，當日抽血看病菌有否入血，打了抗生素和高燒止痛針，周一（6日）病情反覆，幸好前日起身沒再發燒發冷，雖然右胸仍然紅腫及痛，但沒有發燒已覺贏了一半，「因為如果太嚴重要用針抽膿或做手術開個乳頭放膿，希望冇呢一日」。她表示分享此事，希望其他媽媽千祈不要像她，「辛苦到唔識形容，個胸都痛到唔識形容，過來人建議：有得親餵就餵，餵完最好再泵清佢，泵都唔好過4至5個鐘，真係會好易塞，定時要按摩，吃都要吃得清淡啲（我肯定係星期四食完糯米出事）。」
娛樂組
