【明報專訊】吳日言2016年與拍拖17年的男友Barry拉埋天窗，婚後育有大女Beatrice、二仔Zayden及上月20日出世的孻仔，組五口之家。昨日小一「統一派位」公布結果，吳日言透露今年9月升讀小一的大女Beatrice獲派第8志願，但她與丈夫已決定舉家移居英國，讓3個小朋友接受更好的教育。
吳日言在社交平台上載佗孻仔時與丈夫及兒子Zayden跟穿畢業袍的Beatrice合照，留言︰「今（昨）日我對住Bea，忍唔住流下眼淚，Bea問我係咪唔開心，我話呢啲係開心嘅眼淚。今（昨）日小學排位大抽獎終於揭盅，想不到結果是……第八志願，所以我決定陪Bea去外國升學，今年9月會正式入學。始終有3個小朋友，希望佢哋有更好嘅教育，我好有信心小朋友會好快適應，反而擔心嘅係我哋兩公婆，要面對一打三、起居飲食、社交、氣候……」
吳日言稱這滴眼淚，有不捨亦有期待，去年她與丈夫多次飛到英國探路，打算為小朋友升學提供多個選擇。孻仔上月底出世，她仍在坐月，因此與家人計劃8至9月離港。由於夫婦在香港仍有飲食生意，Barry將香港、英國兩邊走，吳日言當全職媽媽照顧孩子。
娛樂組
