【明報專訊】莊思敏、莊思明與男友楊明前晚出席泰國片《全職乖孫》首映禮，莊思敏日前在社交網自爆在街上遭途人蓄意猛撞，十分生氣，說起此事仍勁嬲，「又唔可以話非禮，但一定係惡意，對方是個外籍男人，直情衝住撞到我半邊身，嗌住佢都冇反應繼續行，當刻以為他偷嘢」。莊思敏否認當日衣著暴露，稱穿恤衫是正常服飾，笑言要搵多幾個男友護花，不過苦無對象。
莊思明稱看報道才知道家姐被撞，笑稱對方可能衣著打扮高調出事，她則不怕遇上這類事情，平時穿著較低調冇人認得，笑道：「可能她大件容易畀人撞到，其實佢現在著衫都冇以前咁暴露，都會勸她出街著番多啲衫。」問楊明有否介紹男性朋友給莊思敏認識？他笑說：「唔好嗰啲介紹畀佢，講笑啫，都好難介紹，要佢鍾意先得。」
