【明報專訊】黎瑞恩（小恩子）日前接受譚玉瑛主持的新城節目《QK玉瑛室》訪問，二人同是藝人高爾夫球協會成員，經常相約打波。譚玉瑛透露多年前與男友在某餐廳巧遇小恩子，難忘對方送她一支紅酒，「侍應攞住支紅酒過來話『係黎小姐請你飲』，我就舉起隻杯多謝你，心諗，你咁得意嘅，同你唔熟，但又咁好，畀多支酒我飲」。小恩子笑言：「一睇就知你係酒仙啦。」
性格開朗的小恩子直認很多病痛是鬱出來，「成日多鬱結、唔開心嘅人，身體會有好多病走出嚟，開心就係良藥」。她分享多年前胰臟生了兩瘤經歷，當時選擇「唔理佢、話之佢」，最後兩瘤神奇消失，「每個人都會行去最終目的地，所以我乜都冇做，醫生又冇睇，就咁過咗8年，有日肚痛，心諗應該都差唔多拜拜，點知醫生話係腸胃炎，我話仲有兩個瘤不如照埋，醫生話見唔到有瘤，只係有兩撻疤，當時我可以合格去買份保險，就知自己已經完全冇事，係我50歲時最大份嘅生日禮物」。問到是否已沒有事情令她煩惱？小恩子笑言：「冇，我連死都唔驚。」
娛樂組
