【明報專訊】楊潮凱與老婆江玉儀2013年結婚，育有6歲囡囡Catherine。今年2月中楊潮凱在社交平台報喜，宣布老婆懷有第二胎，開心將變四口之家。他昨日在社交平台透露第二胎BB性別，興奮表示老婆今胎佗仔，湊成「好」字，貼出親吻老婆肚子、囡囡跟媽咪咀嘴照片和全家福，大曬溫馨。
楊潮凱寫道：「終於可以同大家講喇，我家將會迎接一名新成員，這名成員係Baby……Boy，我哋𠵱家湊夠個『好』字喇！Yeah！多謝大家的祝福，好期待見到細佬仔呀，特別係Catharine BB，每日都在計住仲有幾多日可以見到細佬仔，希望佢哋會相親相愛啦！」圈中好友高海寧、陳自瑤、鄭俊弘、朱智賢等留言恭喜。
娛樂組
