【明報專訊】吳浩康為養家做「職安真漢子」到地盤工作，但未放棄歌手身分，今年2月在主題公園舉行個唱反應熱烈，乘勝追擊於8月10日在新蒲崗東蒲胡李明靜體育館舉行《吳浩康「男歌」演唱會》。
談到再開騷，吳浩康說：「前所未有咁緊張，所有嘢都嚟得好急，唔知點解會有咁大衝動好想做，不過我深信今次演出必定會好精彩。」他透露屆時會唱不同年份、不同階段和不同態度的男人歌，希望可以代一眾男士吐心聲，「有講親情、友情、愛情、失戀的歌，以及現時婚姻關係狀况的作品，也預備了想和太太講的話」。
吳浩康趁機向一直支持他的歌迷道謝，「你哋曾經因為鍾意我變成一件未必好光彩嘅事，自己一路撐到𠵱家，希望日後可以順利啲，令到你哋對我嘅支持變成一件理直氣壯嘅事。」
娛樂組
