【明報專訊】鄭秀文（Sammi）前晚舉行第10場紅館演唱會，MIRROR成員柳應廷（Jer）任嘉賓，合唱《不要驚動愛情》。Sammi介紹Jer出場時讚他唱功非常好，不用懷疑。
2019年MIRROR任Sammi演唱會嘉賓，當年首度踏足紅館舞台，Jer說兩次感覺大不同，「上次12個人，成班傻更更，有班兄弟在身邊陪住，今次自己一個特別緊張。綵排同老師練好耐，和音同點分段唱好些」。Sammi回想以前去一個這麼大的舞台，都會好驚和腳震，讚Jer表現相當好。Jer送上迷你「愉快盲盒扭蛋機」給Sammi，透露內裏有關於自己的小禮物，包括人形公仔、字條、祝福語、零食、糖果，知道Sammi鍾意食零食，笑言：「原本想整薯片袋，被COLLAR搶先整了。」
Jer之後從褲袋拿出小扭蛋，Sammi笑說：「好似求婚咁，要送我首飾？」當見到是Baby MIRROR的Jer公仔時，她笑說：「嘩！我老花喎，咁細。哦，公仔嚟嘅！蝦我老花，好cute，大過粒鼻屎。」引得全場爆笑。
娛樂組
■更多娛樂猛料 ﹕ol.mingpao.com
