【明報專訊】江海迦（AGA）日前在深圳舉行《AGA ONEDERFUL LIVE》演唱會，是內地巡唱第4站。開騷日深圳連場大雨，容納9000人的場館全場爆滿，粉絲冒雨捧場。AGA為了今次深圳站演出，由外國空運兩套新戰衣到場，火紅色高衩長裙騷身材曲線，還有白色如海浪設計的長裙十分飄逸。
AGA邀請相識逾10年的好友林德信（Alex）擔任嘉賓，她自爆曾是Rock妹，出道前跟Alex夾band，度過了一段搖滾音樂表演歲月。Alex是她音樂事業中的重要人物，給她鼓勵踏出創作路。林德信笑說：「補充吓佢講嘅古仔，有一晚我喺Music Bar同朋友Jam緊音樂，所有人都可以隨意上舞台一齊玩，當我喺度唱歌嘅同時，突然間聽到後面有個唔識嘅女仔彈琴唱歌，然後我擰轉頭，見到『咦，靚女嚟㗎喎！』我就係咁認識咗AGA，然後我哋好快組咗隊band。」Alex稱自己第一首歌的MV，AGA有份參演。AGA笑言是有飯盒的特約演員，但希望歌迷不要找該MV重溫。
娛樂組
■更多娛樂猛料 ﹕ol.mingpao.com
