【明報專訊】莊韻澄於上周五（26日）發聲明，表示正跟結婚4年的呂成忠辦離婚手續，連日來二人不斷互相隔空指控，爆出3歲兒子患自閉症，至今未懂說話。呂成忠除接受網台訪問反擊，又在社交網公開為莊韻澄傾成的代言人合約，留言：「非常之委屈，上年今個月我仲幫屋企傾成生意……」力證冇「食軟飯」。莊韻澄向傳媒說出不同版本，又公開跟呂成忠的對話截圖內容，強調安排兒子入讀早期教育及訓練中心是呂，不是她，不存在她為了不湊仔踢個仔入特殊學校指控。
莊韻澄昨日再在社交平台發文：「我站出嚟回應主要係因為我想老千無所遁形……遇人不淑嫁錯人做錯事，這些都沒關係！是自己選擇，我必需承受面對同解決，最重要是有重新開始的勇氣！我已經透過各媒體訪問回應所有指摘。老老實實，關於家事及家庭糾紛，我傾向閉門解決，只不過我已經被公開聲討。其實我只係陳述事實，並非與任何人繼續罵戰，所以我再次表明，我係唔會逐一回應留言。如果大家要公審我，我會接受，咪當上咗香港法庭囉！記者需要嘅，我咪畀證據記者囉，我只係陳述事實，而唔係去否認我嘅對錯。」
娛樂組
