【明報專訊】朱茵、潘燦良和導演劉偉恒到新城電台接受譚玉瑛主持的節目《QK玉瑛室》訪問，朱茵入行時曾主持無綫兒童節目《閃電傳真機》，譚玉瑛稱自朱茵做媽咪後已多年沒見面，兩人再遇熱情打招呼。朱茵當年在演藝學院半工讀，邊返學邊做無綫兒童節目主持，說是人生一段最辛苦的日子，「因為兩邊走，學校有習作，又要返無綫拍兒童節目，同學之間好難明我點解要拍戲，我逢一至五返學，周六日先拍到節目」。譚玉瑛大爆當時同事有微言，「對我哋呢啲返工嘅人來講，你點解咁有優待，唔使出外景」。
朱茵解釋當初無綫與亞視也有到學校揀人演出，她是被揀中的一個，但她只能拍兒童節目，當時的合約是King Sir（鍾景輝）幫她簽的，「拍到後尾半年就快畢業，我同無綫講要返去畢業，因為我要攞到張畢業證書」。譚玉瑛稱當年跟朱茵開工，後者因兼顧學業，會追問收工時間，「佢好抓緊時間，成日盤算幾時收工，但我又計得好準」。她讚朱茵說話清晰，不轉彎抹角，朱茵讚譚玉瑛是元老級兒童節目主持，「由我細個睇你，到我入行同你一齊做節目，喺你身邊學到好多嘢，你係靈魂人物」。
娛樂組
