【明報專訊】馬國明與孔德賢兩代「奧運六星」昨日到觀塘出席商場奧運活動。孔德賢稱記得馬國明在雅典奧運騷表演跳舞好正，可惜今年沒安排「奧運六星」表演，自問這經典沒辦法超越。馬國明說：「嗰啲黑歷史唔好再提，睇番真係想死，當年呢個騷有世界各地啦啦隊表演，我哋『奧運六星』排了兩小時就出來跳，你話係咪人生污點？」孔德賢表示對奧運感不捨，因喜歡看運動比賽，已習慣不夠瞓。問到當主持可有被批評？他說：「已完成最後一個直播，好彩無被批評，其實鍾sir（鍾志光）帶得好好，示範給我們看，什麼講得或不講得。」
馬國明表示最近到佛山客串無綫新劇《巨塔之后》，之後便要準備到布拉格拍外景，「唔會帶老婆（湯洛雯）去，因為在當地只逗留3日，落機就拍，拍完又上機趕返來開工，若老婆跟住去，只係搭飛機」。他表示工作排到年尾，對於承諾帶老婆睇北極光度蜜月遲遲未成行，他說：「老婆今朝才投訴，唔係好惡，係溫柔的投訴。」孔德賢表示透過社交媒體才知謝東閔離巢，「其實好唔開心，都有講不捨得他，他是個好好的哥哥，我們一齊睇波、傾偈，經常提點我。他回覆我不用掛念，實會再見」。
