【明報專訊】衛詩雅近日接受譚玉瑛與何基佑、麥皓兒主持的新城節目《QK玉瑛室》訪問，譚玉瑛與衛詩雅在張敬軒家中舉行的聖誕派對上認識，譚玉瑛稱當時見衛詩雅的裝扮好靚，主動上前結識。衛詩雅承認當時既驚且喜，沒想過由細看到大的譚玉瑛姐姐會主動跟自己聊天，「阿譚（譚玉瑛）同我想像中唔同，以為佢會唔講嘢、好嚴肅，其實好nice」。
譚玉瑛爆料說：「當時衛詩雅男朋友都喺隔籬，又係好靚仔。」早前宣布跟醫生男友周祉安結婚的她聞言尷尬笑說：「唔係嗰個，𠵱家我未婚夫仲靚仔，好驚。」
衛詩雅被問結識異性是否以靚仔為首選？她說：「又唔係，要傾到偈，價值觀相近，同埋一定要有嘢我好崇拜佢。」未婚夫有什麼令她崇拜？衛詩雅說：「任何嘢，我覺得佢好叻，每次問佢問題，無論學術、藝術或心靈上，佢都解答到我。我好感性，佢好理性，可以拉得住我。」
一向好學的衛詩雅考獲導遊、救生員、鑽石鑑證和船牌等，透露10月會上美容及化妝品等課程，因為未婚夫做醫美行業，「佢啲皮膚好好，又成日研究啲化妝品，我想跟到佢嘅步伐」。
娛樂組
