【明報專訊】吳浩康、唱作女歌手Kiri T前晚出席港鐵45周年嘉年華「Chill Fun鐵路樂園」，獻唱多首歌曲。吳浩康早前赴澳洲街頭表演，表示為移民港人解「思鄉情」，「我去佈道會同傳教，同當地朋友傾開知道大家都思鄉，即席街頭表演給大家開心。聽到有人說我不是沒有錢嗎？點解會有錢飛去澳洲busking？機票是別人買給我」。他承認目前經濟及工作狀况已改善很多，多謝大家關心，艱難時期跟大家分享，現在情况好轉亦會講。
吳浩康表示不少建築工友開工不足，談到昔日同門張致恒（Steven）日前亦呻開工不足，收入不夠，在網上求助，他說與對方未提及此話題：「等佢搵我先啦，畀啲空間佢，如果Steven找我，會介紹工作畀佢。」會否借錢給他？吳浩康說：「唔會，呢個唔係長遠方法，亦唔助長。」
Kiri T透露演唱會舉行在即，大嘆無法加場，希望之後可在更大場地開個唱，「邀請了一齊做音樂嘅朋友做嘉賓，仲有啲我幫佢作歌嘅歌手一齊玩，所以請大家期待」。
娛樂組
