【明報專訊】周吉佩擔任「國慶75周年漁農美食墟」表演嘉賓，透露近日為演唱會備戰每日健身操肌，笑言最難一關是忍口。在美食墟表演一邊唱歌，一邊聞食物香味最辛苦，「最近戒口，開始食得好清，日日食雞胸同菜。（要騷肌？）想個人firm啲，2019年為樂隊演唱會操過一次，不過今次好多fans留言話要睇我6嚿腹肌，我𠵱家好大壓力，望住譚輝智演唱會張海報嚟操肌。（有幾嚿腹肌？）𠵱家得幾嚿……水咋，盡力啦！」
周吉佩與李佳芯（Ali）主持的無綫節目《日本18種住法》獲「2024亞洲影藝創意大獎」（中國香港地區）最佳生活消閒節目獎，他主唱劇集《羅密歐與祝英台》的片尾曲《梁山伯的華爾茲》亦獲最佳主題曲/主題音樂獎。此等獎項將代表香港角逐亞洲區冠軍大獎，結果12月上旬公布。
周吉佩對獲獎表示驚喜，「好開心第一次主持旅遊節目獲獎，希望可以有機會開下一季，最希望可以再同Ali合作。《梁山伯的華爾茲》得到最佳主題曲音樂獎，令我打咗支強心針，劇集歌係好入屋，希望有一首街知巷聞嘅劇集主題曲」。
娛樂組
