首度合作拍戲結緣 鄭伊健揭與陳卓賢神秘關係

【明報專訊】鄭伊健與陳卓賢（Ian）首度合演電影《久別重逢》將於12月上映。伊健剖白二人的神秘關係：「部戲有兩個蘇昇華，一個係年輕版，另一個就有一番經歷。蘇昇華呢個角色係比較內向，出身於長洲，佢好彩遇到一個女仔，從而令自己改變，但係因為某啲原因大家分開咗，蘇昇華從此好似失去咗一樣嘢。」提到跟Ian因拍戲而結緣，伊健讚對方好適合角色，「Ian懂樂理，好適合演創作人呢個角色。今次搵咗我音樂上合作無間嘅好朋友陳光榮參與電影原創音樂部分和提供意見，拍攝時事半功倍」。