【明報專訊】鄭伊健與陳卓賢（Ian）首度合演電影《久別重逢》將於12月上映。伊健剖白二人的神秘關係：「部戲有兩個蘇昇華，一個係年輕版，另一個就有一番經歷。蘇昇華呢個角色係比較內向，出身於長洲，佢好彩遇到一個女仔，從而令自己改變，但係因為某啲原因大家分開咗，蘇昇華從此好似失去咗一樣嘢。」提到跟Ian因拍戲而結緣，伊健讚對方好適合角色，「Ian懂樂理，好適合演創作人呢個角色。今次搵咗我音樂上合作無間嘅好朋友陳光榮參與電影原創音樂部分和提供意見，拍攝時事半功倍」。
飾演年輕版蘇昇華的Ian說：「今次我嘅角色係一個好鍾意音樂，但係好似唔識其他嘢嘅人，不善言辭，唔識表達自己。將自己嘅情感同想法放晒喺音樂，好細個就立志做音樂人。」Ian承認角色或多或少有自己影子，不太喜歡說話，想將自己想法放在歌曲旋律中，不會主動直接講出口。
Ian身兼4職創作插曲
Ian參與了電影的音樂創作部分，「同導演梁禮彥有好多討論和交流，電影插曲係我寫，戲中有些情節需要彈琴或者彈結他，由自己諗點樣彈」。電影歌曲《Tides》於前導預告中首度登場，Ian身兼主唱、作曲、編曲，與潘宇謙共同填詞。
娛樂組
