【明報專訊】新生代型男王智騫與范麒智近年組「男男CP」俘虜粉絲，日前一起舉行第一次fans meeting，吸引逾200粉絲支持。二人和粉絲零距離接觸玩遊戲，首次開金口獻唱，他們在「讀信」環節訴心聲，邊讀邊流男兒淚，粉絲感動不已。
王智騫和范麒智為活動積極練歌，後者稱今次粉絲聚會是人生一個里程碑，「好感恩可以在鍾意我的粉絲面前唱歌，我同王智騫為了這個見面會準備了好耐，連續兩周排練，每日瞓得兩三個鐘。見到大家都咁enjoy，感覺即刻叉滿電，期待下次見面」。王智騫笑言起初擔心會冷場，但見粉絲表現投入，總算放下心頭大石。提到「讀信」環節兩人哭成淚人，王智騫說：「最感動係我讀信畀Kenji（范麒智），封信活動前幾日已經寫好，係我對Kenji同fans表達的心聲。都估唔到自己會一邊講一邊喊，從未試過在大眾面前咁坦白表露心聲。」
范麒智自言有很多說話想同王智騫講，他寫信時已流淚，「坦白講，有預計自己會喺呢個環節邊講邊喊，但完全冇諗過當刻嘅情緒會波動到咁」。兩人透露希望繼續孖住工作，無論拍劇或電影，會帶更多不同表演形式給觀眾。
娛樂組
