【明報專訊】陳豪前晚出席公屋國慶佈置裝飾比賽頒獎禮，陳豪表示雖然小時候不是住公屋，但會到家住華富邨的親人家過節慶祝，最難忘中秋節在天井點滿蠟燭，加上就讀學校鄰近公屋，經常和同學在屋邨周圍玩，曾試過被不良少年在校外爆粗恐嚇，公屋勾起他不少回憶。
可有試過等女仔放學？陳豪笑道：「真的沒有，以前年代被發現鍾意女仔會畀人笑，會抱住男女授受不親的思想，小學收到情信都即刻丟掉，覺得和女仔玩不夠型，大個才發覺和女仔玩好開心，接近成年才拍拖。」
陳豪認思想傳統，不贊成子女早拍拖，「覺得求學時期還是先以學業為重，遲多少少會好啲，兩個仔就冇乜嘢，個女真係要𥄫實啲，9歲已鍾意睇愛情題材，覺得戀愛大過天，憧憬愛情。太太陳茵媺當然有關注，比我睇得更實，雖然她在外國出生，但這方面很傳統」。
