【明報專訊】蔡卓妍（阿Sa）與鍾欣潼（阿嬌）《Twins Spirit 演唱會》北美巡唱，最後一站Reno，開騷前遇上當地6級地震，阿Sa受驚，阿嬌竟不察覺地震繼續瞓覺，幸好地震很快便停下來，大家也安然無恙。
地震上周五早上發生，阿Sa說：「本來我仲瞓緊，突然聽到房門『啪啪』聲，最初以為有人拍門，然後發覺窗門都搖緊『啪啪』聲，我就致電問工作人員係咪地震？佢地仲笑我發開口夢。但我之前在浴缸放了一缸水，等空氣唔好咁乾，見成缸水都搖到有波浪，我好驚呀！未試過感受到咁強地震，即刻跳上牀縮在一個頭頂無任何東西的地方，間房天花板有盞大燈，好彩無乜點大搖，但我都驚會跌落嚟。」她稱事後也有問團隊，其他人也感到地震，「唔怪得到埗時有工作人員在酒店用指南針測方位，幾次都測唔到，我哋笑稱，問係咪有鬼？」阿嬌未感覺到地震，笑說：「我瞓緊覺，真係乜都感覺唔到。」她們完成美國演出已返港，之後會到英國，本月20日在倫敦OVO Arena Wembley演出。
娛樂組
