【明報專訊】軟硬天師林海峰與葛民輝昨日到尖沙嘴出席連鎖快餐店生日活動，剛巧亦是葛民輝58歲正日生日，他表示就當自己開生日會慶祝。活動上播出兩人合作的新廣告，他們稱1990年代已合作拍攝，比起在電台合作的時間更長，因他們經常分開工作，林海峰說：「走埋一齊都是因為『叔叔』，『叔叔』搵我哋就出嚟，次次都拍得好開心，唔搵我哋會好失落。」問每次拍攝會否勾起回憶？葛民輝說：「會！每次都好似重聚咁。」
問到明年會否開騷？林海峰稱無問題，主要因素是場地，他說：「唔係自己想開就可以，最緊要是看看有沒有地方，『場紙』最緊要，希望明年有機會攞到，如果攞唔到，羽毛球場都可以玩吓嘅，足球場聽講就難啲。」可會考慮啓德體育園？他笑道：「聽講都要食炒價，我哋唔鼓勵做犯法嘢，我哋依正途，會一早去排隊。」談到叱咤頒獎禮，林海峰笑稱不是「商台女員工」，所以無料爆，只知道做完就走，翌日都要返工。是否不再整蠱MIRROR？他說：「從來都無整蠱，大家都知道係搞氣氛，緊張時候畀大家紓緩一吓。」
記者：林祖傑
攝影：劉永銳
■更多娛樂猛料 ﹕ol.mingpao.com
