【明報專訊】炎明熹（Gigi）去年6月傳因合約問題遭無綫雪藏，幕前演出接近零，至今已大半年，仍未有「解凍」迹象，亦傳她搵定後路，約滿轉唱片公司。不過Gigi生活仍然充實，除了上學，假期還跟朋友去旅行，以及參加後援會活動保持人氣。
近日Gigi以香港理工大學時裝及紡織學院學生身分，接受港台32台節目《速遞講你知》訪問。Gigi在校園內接受訪問，分享對修讀時裝設計的感受，亦播出她繪畫時裝設計圖、用衣車縫紉及創作服飾的過程。Gigi在影片中說︰「其實係一件好有包容性、同埋可以激發你無限想像嘅一件事情。喺大學，我有機會讀到時裝設計，跟同學一齊創作一件作品，有趣嘅地方就係一啲出錯嘅位置，可以延伸另外一件作品出嚟。我自己可能一直喺度探索緊，點樣可以令到一件事成形嘅一個狀態，因為通常自己畫畫比較多，但就未實踐過出嚟，所以我創作服飾，有啲形狀唔知道可唔可以做到出嚟。我就喺度諗，仲有啲乜嘢布料或者物質，可以令到服裝有一個咁樣嘅形狀。」
Gigi獲圈中前輩愛惜，她的去向備受關注，據稱，有關她的合約問題不乏有分量的前輩協助斡旋，但未能達成共識。Gigi立定主意，未心急解決目前被雪藏的狀况。
娛樂組
