【今晚直擊】62歲成龍去年11月獲奧斯卡頒發終身成就獎，成為史上首位華人得此榮譽。今晚成龍於灣仔舉行慶祝晚宴，大班圈中好友劉嘉玲、曾志偉、張學友、謝霆鋒、黃秋生、古巨基、何超瓊及俞琤等到場恭賀。
成龍一早到場全程笑容滿面，並接受記者訪問，他說︰「提名到我攞獎已經得到好多恭賀，我一直都唔想再做乜，唔想畀人話炫耀，所以一攞獎嗰日楊生(楊受成)話幫我搞，我一直推推推，我想愈低調愈好，依家已經冇得再推，楊生、曾志偉、爾冬陞做發起召集人，今日叫的都是呢幾廿年合作過的圈內朋友，我們呢幾廿年朋友愈來愈少見，有時真是唔見一年，第二年唔見咗，所以就借奧斯卡為名，見老朋友為實大家來見吓面。」
至於兒子房祖名和太太林鳳嬌成龍表示今晚不會到場，並笑說︰「佢哋日日都睇住個奧斯卡(獎座)睇到悶啦，叫我攞過少少阻住晒﹗」他又指得獎時祖名都沒有致電恭喜自己，自己也不介意。再提到吳綺莉與「小龍女」吳卓林近日母女感情決裂一事，成龍聞言只笑笑口說︰「咩事呀？有咩嘢？多謝﹗」之後便匆匆入場。
