【今日直擊】「神之馬壯」黎諾懿今午到養和接老婆李潔瑩及囝囝「小春雞」出院，「小春雞」乖乖在爸爸懷中熟睡，相當可愛。新手爸爸黎諾懿談起囝囝興奮雀躍，自爆初試換尿片時，被囝囝「請飲茶」。他說：「我無諗過咁快，一打開條尿片無兩秒，就見到一支水柱射過來，射中我無所謂，最慘『小春雞』自己塊臉都濕晒。」他讚嘆想不到這位小朋友的力量可以射得這麼高，他自問不如。
榮升爸爸數天，黎諾懿有感每天都重新學習。「小春雞」頭髮濃密，笑言：「『小春雞』剛出世護士已可以幫他set頭，每日有不同造型，啲眉毛都出晒。」有指「小春雞」好似他，他說：「護士話一睇就認得他是馬壯個仔，我覺得神態似，到夜晚餵奶時就似我老婆。其實仔細分開各部份睇，係似老婆。我都希望個仔大個似媽媽，男生女相會好靚仔。」他透露囝囝中文名已選定第3個字是「睿」，再落實第2個字便會找師傅看作決定。
