【今日直擊】方力申（Alex）和麥美恩今日出席公開活動，Alex在活動上不敢與其他女仔企得太埋，怕又傳緋聞，問到是否擔心緋聞女友陳瀅嬲嬲豬？他說：「錯﹗錯﹗今年大家好關心我，緋聞一隻手都數唔晒，個個都話我好犀利，好似有好多女朋友，好花心，但其實我過去10年，同Stephy（鄧麗欣）一齊都好專一，怎會那麼大轉變呢？（你大解放嘛？）你當我以前『坐監』咩？我不是坐監，過去10年好充實，不會突然這麼大轉變，大家太緊張而已。」
追問與同陳瀅的緋聞是否屬實？他說：「當然是假啦﹗（陳瀅唔好咩？點解唔發展？）無得解，總之不是啦﹗我現在是單身。（未來呢？）咁快講到未來？咪抹殺之前同我傳過緋聞的女仔？咁咪唔公平囉？」
Alex提議與麥美恩交換電話號碼，麥美恩笑說：「好呀﹗我們出來飲嘢鬥Dry﹗」Alex說：「飲嘢當然濕啲啦﹗」麥美恩又回他：「好呀，互相滋潤。」
