靚媽鍾嘉欣早前帶埋囡囡Kelly返香港出席活動，順道與一班好友聚舊，可是一直未見Kelly廬山真面目，所有合照都係只見幾撮頭髮仔。其實自Kelly於8月出世後，嘉欣只Po過3張囡囡的照片，認真唔夠喉！
不過嘉欣趁聖誕節，帶埋Kelly大派福利，在社交網上載2張與囡囡的合照，只見Kelly穿上應節的紅色聖誕衫仔，再戴上聖誕帽和毛毛馴鹿鞋，十分可愛。現在Kelly已4個多月大，開始有媽媽嘅靚基因遺傳，眼仔碌碌之餘，面珠脹卜卜，還有萌爆雙下巴呢！最厲害是Kelly對鏡頭十分敏感，識得對著鏡頭微笑，一點也不怕醜。
嘉欣留言祝大家聖誕快樂寫道：「Merry Christmas everyone！lovelovelove -LJK-」相信「LJK」就是嘉欣(Linda)、老公Jeremy和Kelly一家三口的英文名第一個字母縮寫。不少網友希望嘉欣快點Share全家福，唔介意被她的幸福閃親！
