歌手兼牙醫許廷鏗(Alfred)，近日被香港某網媒大字標題報道他接受訪問時，爆料指「其實香港啲牙醫幫你哋洗牙時，好多時都係呃緊你錢，你哋去洗牙自己留意吓佢啲行為。」Alfred得悉後非常憤怒，昨晚在社交網貼文澄清從未接受過網媒記者訪問︰「作為公眾人物，一字一句都要負責，在此講清楚，許廷鏗從沒說什麼別人呃錢的工作行為。謠言止於智者，知道網路上消息四通八達，很多記者同業朋友都知道我牙醫那邊比較敏感，因為我們有管理委員會，我不能用歌手身份去宣傳牙醫工作，也不會亂評論同業的專業操守。煩請那網站告知是否有什麼誤會，同時請大家停止轉發該網站引述。#嬲 #爆seed鏗 #咁鍾意報導又唔報導下我隻新歌 #做咩扮我講嘢 #扮都扮得似少少可以嗎 #完全唔係我會講嘅說話」。
