由關智斌（Kenny）、陳家樂（Carlos）和楊天宇（Angus）主持的《三夫當關》，第一集題目就是「靚仔」，剖析他們心目中的靚仔標準及利與弊。
一講到靚仔話題，家樂大爆Kenny在開拍前，不斷要人讚他靚仔，Kenny直認：「我知道自己靚仔，但我冇表現到周圍話畀人聽，『我好靚仔』呢個感覺。」又指自己平日很謙遜，家樂與Angus即默不作聲整蠱Kenny，十分搞笑。隨後家樂問Kenny：「你簽公司嗰陣，Mani（霍汶希）有冇問過，點解我要簽你？」Kenny不加思索地回應：「靚仔囉！」引來家樂及Angus大笑。
講到自己心目中的靚仔，Angus覺得吳彥祖很帥，但現時就覺得Kenny最靚仔，令Kenny大叫：「你唔好嚟呢套啦！」家樂則指自己喜歡劉德華，Kenny坦言覺得謝霆鋒好靚仔：「佢嗰種靚仔係好不經意，你一話佢靚仔，佢會露出好靦腆笑容。」
