新型冠狀病毒肺炎持續擴散，上月初菲律賓政府實施封關，不少回鄉的菲律賓傭工未能回港工作；其中區永權的菲傭也未能返港，到近日菲律賓放寛容許菲傭返港，區永權的工人姐姐昨晚亦回到區家。他在社交網上載照片及留言：「熱烈歡迎『姐姐』歸位，超過一個月『沒有姐姐』嘅日子終於過去，姐姐由家鄉成功順利返港，而我亦可以完成我『光榮家務』嘅重任啦。正當我以為我比任何人更掛念『姐姐』，點知兩個仔嘅思念之情，原來比我更甚！由返屋企一刻至今，與『姐姐』簡直有講不完嘅話題，絕對係雞啄唔斷，佩服佩服！
好不容易嘅二月經已過去，希望『姐姐歸位』，係意味住一切回歸正常嘅第一步，一個好開始！繼續努力，繼續加油！」
