黃偉文（Wyman）早前在社交網上載側田歌曲《命硬》的第一稿，透露當年這首歌本來叫《她整晚在寫信》，惟後來女歌手A及女歌手B先後沒灌錄這首歌，作曲的側田決定自己唱番，他遂重新填詞，將歌曲變成的《命硬》。Wyman後來忽發奇想，希望將這首歌「物歸原主」，邀請當年那兩位女歌手的其中一位去演繹歌曲的第一版本《她整晚在寫信》。
原來，衛蘭就是故事中的其中一位女歌手，她知道後決定將歌曲「復活」。衛蘭在Instagram上載她獻唱《她整晚在寫信》的片段，留言︰「一向都好鐘（鍾）意呢首歌，記得好多年前仲喺台上同側田合唱過。其實我從來都唔知道，原來呢首歌曾經有諗過俾（畀）我唱，所以喺Wyman度得知呢個故事之後，我同我嘅團隊就覺得都幾有趣，不如就喺呢個復活節期（其）間俾（畀）呢首歌一個重生嘅機會。我唱嘅歌詞就係呢首歌嘅歌詞原稿，希望你哋都會鐘（鍾）意呢個演繹。」
