本港爆發第三波新型冠狀病毒疫情，馬會發言人今天（13日）表示，原定於7月21日起恢復的六合彩攪珠會取消，直至另行通知。六合彩自2月1日舉行新春金多寶攪珠後，暫停至今。
被稱為「六合彩之子」的蔡國威（威仔），接受《明報》訪問時表示：「馬會同公司原先安排我7月21日再主持六合彩，但因為疫情再爆發，亦明白唔好有太多人聚集，再延期攪珠係非常適合做法。我心情同唔少香港人一樣，有少少失望，因為大家等咗好耐（六合彩攪珠），不過為大家健康着想，都要忍耐一下。」
此外，威仔有份演出的新劇《迷網》今晚首播，威仔在社交網貼相留言：「我係網絡安全及科技罪案調查科沙展詹志豪，網絡世界有太多容易令大家墮入嘅圈套，再加上疫情亦有擴大嘅跡（迹）象，大家不妨盡量留在家中，收睇全新劇集《迷網》，認清騙徒嘅真面目。
雖然六合彩因為疫情再爆發而延期，但係大家做好防疫措施，緊守規定，保護好自己及家人，減輕醫護人員負擔，相信好快會再次為大家帶來希望，加油呀﹗」
