時裝設計師鄧達智日前確診新冠肺炎，現正在醫院接受治療，今日他更新個人情況：「醫生話我係無病徵感染，到目前為止係冇明顯病徵，但就感染咗，入院時指數係差，但又唔係好差，但亦唔係好樂觀，所以佢哋要幫我打針要我食勁嘅藥，佢哋相信我係好轉咗。
因為由初步確診到依家，已超過一星期，我冇咳，個情況已經好好，明天驗埋CT Value（病毒數值），呢個CT Value定咗之後，先決定我幾時返屋企，陳醫生（伴侶陳梓欣Clement）今天已離開隔離營返屋企。」他指Clement離開駿洋邨隔離營後已返回自己寓所休息，明天會親手煲愛心瑤柱粥帶去醫院給他，但只可以由護士代領轉送入病房，因為不能步出病房半步見他。
