24歲女歌手施匡翹早前確診新冠肺炎而入院，之後由醫院轉到鯉魚門隔離營，被隔離了24天，現在尚未可以離營返家。施匡翹透露身體狀況OK：「其實由入院到依家，冇辛苦或唔舒服，都似一個正常人。我知道好多人關心我，好似冇乜消息話要離開隔離營，其實有幾個原因，因為隔離營有少少分別，呢度好處係每日驗深喉唾液，睇病毒數量，要求係兩次negative（陰性），醫生先考慮其他因素畀唔畀離開（隔離營）。目前為止，試過一次negative，但唔係連續兩次，變咗未可以離開，不過醫生同我講，我病毒量接近係冇，但需時間再等佢穩定，其實係好事，等穩定先可以離開。」
