【錢國偉離世】同姓三分親 錢嘉樂親解和Wilson「親戚」關係 (20:55)

文章日期:2020年10月27日

【今晚直擊】錢國偉(Wilson)因胰臟癌離世,終年58歲。Wilson的太太陳宛蔚、陳宛蔚兩個妹妹、好友錢嘉樂、吳家樂、黎芷珊和譚玉瑛,今晚在醫院外見傳媒,大部分時間由錢嘉樂發言,期間他也講到眼濕濕。「佢太太(陳宛蔚)呢兩年好攰,今日要面對好多嘢,做兄弟嘅講幾句,Wilson係一個有毅力戰士,差唔多兩年前,發現呢個病,佢一路不離不棄,佢太太都不離不棄,大家並肩作戰好耐。

但呢幾日有啲唔舒服,入咗嚟(醫院),我哋好多朋友同兄弟,如曾志偉、(陳)小春、阿Lo(林曉峰)、謝天華都喺內地工作,(鄭)伊健剛開戲,點都好,呢個係錢國偉心願,好想見返好多朋友,因為Wilson好愛熱鬧,呢兩日好多佢想見嘅朋友,都有嚟探佢,就算返唔到香港,都有視像見面,志偉、天華、小春、阿Lo不停同我聯絡,派我做代表,好感恩我見到佢太太付出,同埋Wilson離開咗我哋時,係一個安詳情况離開,呢個我唯一感恩地方,希望呢個兄弟喺另一國度繼續開心生活。兩夫婦都好正面面對呢個病,唯一牽掛係囡囡啦,但放心,我哋uncle、auntie會幫Wilson照顧佢個女」。

問錢嘉樂和Wilson是否有親戚關係?他說:「大家姓錢,都係三水,三水唔係好大,佢叫咗我廿幾年阿叔,其實佢大過我,唔緊要,做兄弟有乜所謂,大家情誼咁濃厚,同村兄弟,我哋喺TVB先相認,三水又姓錢嘅唔係好多人。」

相關新聞:【錢國偉離世】遺孀陳宛蔚讚老公係Hero:一直覺得佢會好番

相關新聞:【錢國偉離世】曾志偉爆好友原定赴日醫病 疫情影響未能成行

相關新聞:【錢國偉離世】古巨基心痛悼好友:眼淚不能停止…

相關新聞:【錢國偉離世】古天樂對Wilson病逝感惋惜 梁漢文:永活在我心中

相關新聞:【錢國偉離世】同Psy撞樣 Wilson孖基仔伊健拍《Hong Kong Style》MV 

相關新聞:【錢國偉離世】崔建邦難忘最後一句加油 無綫監製衛世輝慨嘆Wilson被病情折磨

相關新聞:【錢國偉離世】鄭中基唐詩詠發文悼念 感謝Wilson提攜

相關新聞:【錢國偉離世】Wilson 5年前娶「雜果賓治」陳宛蔚 婚後育有女兒

相關新聞:【錢國偉離世】Wilson曾炮製《獎門人》《美女廚房》《味分高下》

相關新聞:無綫前「金牌監製」錢國偉病逝 終年58歲

(即時娛樂)