雨僑今年8月為老公羅力威誕下女兒Harper，轉眼Harper已3個多月大，有女萬事足的羅力威，在社交網分享這3個多月來的湊女經，還自爆原來自己不知不覺間都患了少許產後抑鬱，他解釋：「關於產後抑鬱我都唔係好知係乜，不過我估我其實中咗少少，老婆話番我知，我理解我既（嘅）情況係，對喊聲好反感，同唔理智既（嘅）人（bb）溝通唔到既（嘅）時候，而你無地方發洩，因為你連鬧交都無對手，而咁簡單既（嘅）食奶訓（瞓）覺道理點解唔明。」
羅力威感激湊女過程中有親人幫忙，又可以彈琴任他宣泄情緒，加上貓仔聽話，而他睡少些兼吃少些當減肥，就算B女現在不斷喊，他也會見招拆招，最後他說：「IG典型懶係野（嘢）格言，唔好覺得湊b感到沮喪失敗，因為最後見到個b望住你笑，也就是場仗大獲全勝之時，最後，男人老狗無咩好講，爸爸們加油。」
