着泳衣拍MV冇減肥 葉巧琳新歌剖白參與《造星III》心情 (21:31)

文章日期:2021年01月08日

葉巧琳(Mischa)去年參加《全民造星III》重新出發,這次經歷讓她帶來極大衝擊,不僅找回初心,同時令她有感而發,創作了新歌《浸浴》,在MV內,她身穿泳衣登場,展現性感一面。

Mischa覺得歌詞無可挑剔:「成首歌講緊我洗晒所有唔好嘅嘢,重新上路,喺《造星III》重新出發,重新開始認識自己,搵番自己初心,過程入面學到好多,比以前更認識自己。」Mischa更回想起在《造星III》決賽當晚,演繹新歌時畫面,與同行的參賽者其實都經歷着同樣洗禮,所以她很想將這歌,送給所有參賽者。

拍攝MV之日,剛好是Mischa完成《造星III》決賽後的兩天,雖然帶着疲倦身軀,但Mischa還是全力以赴,Mischa回想拍攝當天最有趣畫面,就是整個人浸在浴缸一刻,她說:「其實都幾凍,同埋我雖然識潛水,但要靚靚咁浸落水而唔噴水係好艱難,因為啲水會攻入鼻,不過我已盡咗力,下次要研究點樣再做得靚啲。」

Mischa在MV中穿泳衣騷性感,不過因為有燈光效果配合,她坦言未有刻意減肥,更笑說:「我已經接受咗自己喺電視上面係肥,喺拍攝泳衣嗰一幕之前我半日冇食嘢,但一拍完嗰個shot就狂食了!」

(即時娛樂)