無綫藝人李思雅（Cindy）在社交平台呼籲有寵物的主人不要去元朗某間動物醫院，指《東張西望》曾播出過這是黑店，是間搶錢及醫死狗的醫院，事緣她的愛犬最近亦中招，原本帶狗狗去睇牙，醫生卻說腎有事要吊鹽水，要她買下一些配方糧，又聲稱狗狗可能要剝牙。當追問牙齒嚴不嚴重及要剝幾多隻牙，就推說洗牙後才能決定，結果狗狗被全身麻醉剝了17隻牙，上顎只剩4隻，下顎無牙。
李思雅大呻愛犬手術前可以跟她一齊行山，視力正常沒問題，可是經過這次剝牙手術後，雙目失明，之後她詢問過一些醫學界朋友，很大機會是剝牙失血過多，令狗狗體溫太低，導致眼的神經視網膜受損而盲。
李思雅留言：「我真係好唔安樂...我唔知道剝牙可以搞到咁嚴重，以為只係小事，冇再去多幾間寵物醫院查詢，點知睇咗間⚫️店，可能根本就唔需要剝17隻牙，可憐嘅狗狗盲咗，我都有責任。但想借此提醒大家一定要小心選擇動物醫院，如果唔係後果可以好嚴重！」
