拍戲獻出兩個「第一次」 盧覓雪銀幕爆粗冇難度 (23:05)

文章日期:2021年02月10日

原創電影《向西聞記新春SP:阿姨!我不想努力了!》將於牛年大年初一(12日)於串流平台上架,跟戲迷開心賀新歲。該片由何啟華(Dee@ERROR)、盧覓雪、邱傲然(Tiger@MIRROR)等演出,其中盧覓雪更獻出了兩個第一次:在銀幕上爆講及吸煙,她覺得粗口是戲中對白故沒什麼大不了,「2019年下半年到依家,我呢年半入面,我嘅日常生活都充滿住粗口,除咗聽人講好多粗口,我都講咗好多粗口,都冇諗過自己講粗口講到咁流利,所以呢個角色講粗口對我嚟講冇難度」。從不抽煙的盧覓雪為配合劇情,都獻出了第一次,「其實我唔識食,係有樣學樣,竟然過到關,因為我冇『濁親』、冇咳到死,唯一係一cut之後即刻要漱口,好難受,啲味道難頂到爆炸」。

(即時娛樂)