佗孖胎?|湯怡佗B出嫁講愛的宣言 麥秋成要生夠6個 (19:25)

文章日期:2021年02月26日

【今日直擊】麥秋成與湯怡今日元宵佳節,在陽明山莊舉行婚禮。下午時分,一對新人換上西式禮服及婚紗見傳媒,大肚的湯怡婚紗甚為貼身,豐滿身材及孕肚盡現。問到腹中BB是仔定女?2人大賣關子,湯怡說:「畀大家機會估下,遲啲會公布,等啲朋友估多啲。(自己想呢?)仔女都冇所謂。」問到是否孖胎,麥秋成只稱「唔講住」。

湯怡再說:「我父母﹑姐姐和姐夫都覺得我個肚比正常大。(現在4個月?)4個月多啲,比正常大。(自己湊BB?)我想自己湊。(有一段時間不用開工?)當然秋成會幫手湊。(隔多久才復工?)對我嚟講,雖然做咗媽咪,但坐完月隨時Ready(復工)。」

笑問會否即刻想追多個?麥秋成說:「呢個要睇天意。」談到外父不停扭龍鳳鈪,寓意他們生多幾個BB,麥秋成說:「轉咗幾多個?五六個?試一試。」

麥秋成表示在婚禮上都流下男兒淚,他說:「同父母講深情說話,一望就忍唔住,佢哋將家傳之寶畀自己,我婆婆留低金戒指,我媽咪喺我18歲時,買定金鏈畀我,(買定娶老婆?)係呀,嗰個溫情感覺湧上心頭,點忍得住?」

期間一對新人發表愛的宣言,麥秋成說:「我愛你﹗愛你一生一世﹗」湯怡亦冧爆說:「對我嚟講,佢嘅出現喺我人生中,係最開心,識咗佢之後,每日都好似發緊夢,好夢幻嘅一件事,佢係一個好有耐性嘅人,同埋好包容我嘅一個人。」

相關新聞:舊愛湯怡出嫁 洪卓立Ig甫低頭哀傷照 網民留言嗌加油

相關新聞:郭富城現身賀麥秋成湯怡結婚 想開心Share育兒心得

相關新聞︰張惠雅爆麥秋成攜大袋利市接新娘 湯怡父親恨抱孫狂扭龍鳳鈪

相關新聞︰湯怡今嫁麥秋成 一對新人甜蜜現身 新娘戴超巨型龍鳳鈪

(即時娛樂)