預留門票免費招待低收入家庭睇騷 鄭中基爆仔女拒同台演出 (17:50)

文章日期:2021年04月08日

【今日直擊】鄭中基(Ronald)今日現身葵涌,為本月23日至25日假中環海濱活動空間,舉行一連3場《Drive In Ultra—WEE are Ronald Cheng鄭中基自駕演唱會2021》綵排,並介紹舞台及場地設計,能顧及駕車與非駕車入場觀眾視覺享受。

Ronald透露正為個唱勤操體能,近日並推出演唱會主題曲《玩咗先至瞓》,希望以輕快樂曲,向大眾發放勵志信息,他說:「個場地好大,邊唱邊握手好花體能,我都提議坐Golf車繞場輔助。」

他好開心舉辦香港首個戶外汽車騷,反應踴躍,開拓新睇騷方式。他亦有預留門票,透過幾個慈善機構,免費招待低收入家庭、年輕人和小朋友睇騷,「對我來講,在戶外演出自由度大,心情興奮,難度不大,因為以前都有在台灣做過戶外騷,相信今次觀眾感受大不同,以前在紅館放煙火有限制,今次在戶外可以放大型煙花」。

Ronald表示上次在紅館開騷,仔女上台支持,但他們今次拒絕演出,要求安坐台下,體驗坐車睇騷滋味。他又爆兒子問題多多:「個仔問戶外睇騷有冇蚊咬,想去洗手間點解決,我笑他帶定尿片。」

(即時娛樂)