黎諾懿和陳敏之亮相《師父有請》，大談「驛馬」主題。主持麥玲玲形容黎諾懿有「美人啄」，她表示這類人在15歲到18歲，必須離開出生地方，適宜走動。黎諾懿指自己拍《舞動奇跡》時，曾離港8個月，當時在內地工作居住或飲食較差，都可以接受，他說：「試過去北京機場附近一間賓館，攝氏零下4度，浴室只得1分鐘有熱水，冲完涼成個人醒晒！」
被問到有否試過發展異地戀？Bob即追問諾懿有否追過當年《舞》的拍檔金晨，諾懿說：「佢太細個，當時得18歲，你當我禽獸呀？我唔係呢啲咁嘅人！我試過台灣異地戀……」陳敏之聞言表示知道是誰，諾懿笑言：「『林志玲』嘛，所有嘢都好完美，但佢唔舒服都得個電話，我接受唔到，我唔係黐身，想拎樣嘢畀你都唔得！講個電話又要夾時間，長期要買機票，所以只係維持咗半年。」諾懿曾跟台灣女生拍拖，不過他沒有透露對方是誰，只稱呼為「林志玲」。
敏之則試過另一半是在加拿大生活，有時發燒留言給對方，由於時差關係，對方醒來傳短訊慰問之時，她已經康復了，最終維持4年時間後分手。
