肥媽（Maria Cordero）的葡籍丈夫施曉洋（Da Silva Ricardo Manoel, Rick）去年11月病逝，享年72歲。日前肥媽在facebook開live教煮餸，期間有眼利網民發現她的左手臂有明顯瘀傷，肥媽自爆是因為夢遊而撞瘀。
她在片段中說：「我有夢遊，醫生話唔知係咪我掛住老公定係點，係心理病一種，我話都冇辦法，咁我真係掛住佢（老公），我夜晚會落嚟煮飯畀我老公食，我完全唔知㗎，我會開火煮飯煮嘢，然後返去瞓覺，試過有次我直情煮到啲嘢燶晒，隻鑊都燶埋，但我都唔知，依家每晚我瞓覺前，佢哋會關煤氣總掣，（夢遊）落嚟都冇得煮。初初我都問點會有人夢遊時煮飯？後來睇佢哋影相，咁就冇得呃喇！我睇咗心理醫生，佢話煮飯我最開心嘅嘢，最深層嘅嘢係煮飯食。」
