林二汶婉拒擔任《造星IV》導師:難以超越上一次自己 (17:11)

文章日期:2021年06月21日

MIRROR經理人黃慧君(花姐)透露正籌備《全民造星IV》,今次花姐炮製女團,ViuTV日前在社交網公布《造星IV》是「女生限定」,期望透過比賽發掘有潛質女新人,組成「全能女團」,將來可以孖住MIRROR炸爆舞台。去年在《全民造星III》擔任導師的林二汶,再次獲花姐邀請擔任新一輯《造星》導師,不過二汶昨天在社交網留言,已口頭請辭做導師工作,她解釋:「上台容易落台難。我想像,如果我再次做導師,我都難以超越上一次嘅自己。既然唔能過做得更好,何不讓更多有才之士去做?經過深思熟慮後,我先下呢個決定。

想喺父親節嘅直播講呢個消息,因為《全民造星》呢個節目,俾咗『二汶爸爸』呢個稱號我。到今日,依然有人叫我二汶爸爸。呢個節目,真係帶俾我好多好多嘢,我衷心好感激花姐同ViuTV俾左呢個機會我。花姐成日叫我唔好多謝佢,其實我最多謝嘅係佢。

亦都係因為做導師,我覺得有好多才華同天賦,都係從小培養的。呢個機會,俾我好大嘅啟發。於是,我將會籌備一間音樂教室,希望將音樂從教育伸延落去。選址同師資已經確定,希望不久將來可以同大家分享呢份喜悅。」

(即時娛樂)