由惠英紅（紅姐）、王浩信、袁偉豪、黃智雯和戴祖儀等合演的《刑偵日記》，昨晚（29日）播映第二集，影后級人馬惠英紅施展神級演技，短短數分鐘內於謙虛、無知、陰森、慈愛、霸氣等多種不同神態中游走轉tone，期間凌厲眼神再加經典對白，令網民睇到心寒。
劇情講述惠英紅飾演的楊碧芯，到精神病院當助護，以便照顧因受驚失常入院的女兒葉朗晴（戴祖儀飾）；期間因目睹朗晴受到同病房的馬詠（吳沚默飾）騷擾及欺負，紅姐數度出手「對付」馬詠，甚至神不知鬼不覺令馬詠敏感症發作。紅姐最為網民讚歎一幕，就是用力揪着馬詠頭髮，並以凌厲眼神及語氣說：「我從未聽過有人黐線話自己係黐線㗎。」
不少網民看完這幕驚呼：「完全唔似睇緊電視劇，睇緊電影咁。」、「紅姐的神級演技非常壓場。」、「紅姐真係好恐怖！驚驚。」
紅姐對後輩照顧有加，拍攝時不斷教沚默應如何減少受傷機會，令沚默感動：「我同紅姐好多場都有肢體碰撞，因為已經好信任佢，知道佢一定會保護我。比如話頭先跌落地嗰吓，佢教我要鎖住條頸，等個膊頭先落地，個頭就唔會撞到地面。」
