影帝林家棟擔任監製及聯合編劇的《殺出個黃昏》、演出的電影《手捲煙》及《智齒》，今年同時參加紐約亞洲電影節，3部電影不同風格，備受注目，《手》片更成為電影節開幕電影。
電影節官方日前宣布頒發「亞洲之星」大獎予家棟，高度評價「他是香港其中一個最多才多藝和多產的演員」，以表揚他在幕後及幕前的努力。許鞍華導演則獲頒「終身成就獎」，並會放映其早年的作品《胡越的故事》和《投奔怒海》。
忙於宣傳《殺》片的家棟因工作關係，未能前往當地領獎，不過電影節相當有心，速遞獎座到家棟的辦公室送上驚喜。家棟拍片答謝支持：「多謝紐約亞洲電影節頒呢個獎畀我，直頭係飛過嚟畀我，其實我好想飛過去（紐約），但係冇辦法呀，我最開心係今次自己演出同監製嘅電影都喺電影節同觀眾見面。通過電影節，可以畀更多香港以外嘅朋友見到，我希望將來可以再做多啲更出色嘅電影帶畀觀眾。」
家棟同時勉勵行內電影工作者，他表示：「過去一年因為疫情，香港電影有少少停咗落嚟，希望疫情盡快離開，我哋可以再拍更多更好嘅電影畀大家。希望將來有機會親身飛過嚟（紐約）多謝大家！」
