【今日直擊】無綫新劇《OPM》（暫名）今日舉行開鏡拜神儀式，監製關樹明率演員湯洛雯（靚湯）、黃嘉樂、蔣志光、黃庭鋒、張寶兒、蘇皓兒、傅嘉莉及歐陽偉豪等出席。
黃嘉樂與馬國明情同手足，故此視靚湯為「阿嫂」；提到首次與阿嫂合作拍劇，便要飾演夫妻，當中有場夫妻親熱戲，嘉樂承認感尷尬。靚湯解釋：「場戲只是意識形態上覺得大膽，都是夫妻間會正常做的事，如果跟足劇本做，好難播出街。拍攝之前，我有跟導演講我怕醜，很少拍這類戲；之後還有另一場要我主動色誘黃子恆。好彩兩位對手表現好小心、好專業，比女演員更加避忌，怕觸到不必要部位而尷尬，嘉樂戲中惜我面之前，都會先禮貌地問一聲。」
她否認怕難向男友馬明交代，不過事前有跟他討論，笑男友不會刻意探班監場。嘉樂則爆有壓力：「拍之前馬明有傳短信叫我加油！」他指拍親熱戲，女友沒有呷醋反而開心，因可以較多話題當宣傳。靚湯又劇透要被嘉樂掌摑，叫對方真打免穿崩，然後又用力自摑，當堂嚇呆嘉樂。
