【今晚直擊】鄧麗欣（Stephy）和劉俊謙今晚（15日）到西環出席電影對談會，Stephy笑言感受良多，回望入行快將廿年，一邊做一邊學，經歷起跌，「我有時覺得自己好變態，為了演好戲，不惜以自己真實人生感受放入角色內」。
劉俊謙表示由舞台劇界成長，近年轉戰影視界發展，要重新適應不同背景文化，最困難是演講和受訪，「對於群眾或者鏡頭說話，仲緊張過拍戲，考驗我口才，有時不懂得應付，會覺得好尷尬」。Stephy鼓勵劉俊謙「做多啲」，並解釋：「好似我這樣，做多20年，時間會幫你克服一切。」
Stephy羨慕劉俊謙舞台劇經驗豐富，佩服舞台劇台前幕後重複演繹同一劇本，仍然保持水準，「我以前只參與過森美小儀歌劇團演出，未試過正劇，好想挑戰一下，但我又好怕重複做同一件事，不知能不能勝任」。劉俊謙借Stephy的三字經回敬：「你也是，做多啲就會熟。」
中秋節將至，單身Stephy預告約朋友燒烤聚會，追問是不是應追求者之邀？她笑說：「好多人約，睇吓應哪一位啦！」劉俊謙則約定女友蔡思韵和家人共度中秋。
